అమెరికా చైనా మధ్య యుద్ధం వద్దు థుసిడిడీస్ ట్రాప్ను అధిగమిద్దాం: జిన్పింగ్

అమెరికా, చైనా వేర్వేరు వ్యవస్థలు, పరిస్థితులు కలిగిన దేశాలైనప్పటికీ, నేరుగా, లోతుగా, నిరంతరంగా చర్చలు జరపడం ద్వారా పరస్పర అవగాహన పెంచుకోవచ్చని జిన్పింగ్ పేర్కొన్నారు. విభేదాలను పక్కనపెట్టి ఉమ్మడి అంశాలపై కలిసి పనిచేయడం, పరస్పర విశ్వాసాన్ని పెంపొందించుకోవడం అవసరమని చెప్పారు.

రెండు దేశాలు శాంతియుతంగా సహజీవనం చేయాలని, సహకారం ద్వారా ఇరు దేశాలకు ప్రయోజనం ఉంటుందని, ఘర్షణ మాత్రం ఇరువురికీ నష్టం కలిగిస్తుందని జిన్పింగ్ వ్యాఖ్యానించారు. ఇరు దేశాల సైన్యాల మధ్య క్రమం తప్పకుండా సంభాషణ కొనసాగడంతో పాటు, సంక్షోభ పరిస్థితుల్లో వేగంగా సంప్రదించుకునే వ్యవస్థలను బలోపేతం చేయాలని సూచించారు.

థుసిడిడీస్ ట్రాప్ అంటే ఏమిటి

అభివృద్ధి చెందుతున్న శక్తి, ఇప్పటికే ఆధిపత్యంలో ఉన్న శక్తిని సవాలు చేసినప్పుడు ఇరు దేశాల మధ్య ఉద్రిక్తతలు పెరిగి చివరకు సైనిక ఘర్షణకు దారితీసే పరిస్థితిని వివరించేందుకు థుసిడిడీస్ ట్రాప్ అనే భావనను ఉపయోగిస్తారు. అమెరికాచైనా మధ్య పెరుగుతున్న వ్యూహాత్మక పోటీ నేపథ్యంలో ఈ పదాన్ని జిన్పింగ్ మరోసారి ప్రస్తావించారు. ఈ ప్రమాదాన్ని అధిగమించవచ్చని ఆయన అన్నారు.

ఏఐ, వాణిజ్యం, తైవాన్పై విభేదాలు

జిన్పింగ్ పర్యటన సమయంలో కృత్రిమ మేధస్సు, వాణిజ్యం, తైవాన్ సహా పలు కీలక అంశాలు చర్చకు వచ్చాయి. ముఖ్యంగా కృత్రిమ మేధస్సు రంగంలో అమెరికా, చైనా మధ్య తీవ్ర పోటీ కొనసాగుతోంది. చైనా సాంకేతిక అభివృద్ధిని పరిమితం చేసే ఉద్దేశంతో అమెరికా పలు అధునాతన చిప్లు, సెమీకండక్టర్లు, సాఫ్ట్వేర్, చిప్ తయారీ పరికరాలపై ఎగుమతి నియంత్రణలు విధించింది.

ఇదే సమయంలో తైవాన్ అంశం కూడా ఇరు దేశాల మధ్య ప్రధాన విభేదాల్లో ఒకటిగా కొనసాగుతోంది. చైనా తన ఒకే చైనా విధానానికి అనుగుణంగా తైవాన్ స్వాతంత్ర్యానికి వ్యతిరేకంగా అమెరికా వ్యవహరించాలని కోరుతోంది.

ఇరు దేశాల మధ్య వాణిజ్య విభేదాలు కొనసాగుతున్నప్పటికీ, ట్రంప్ జిన్పింగ్ భేటీలో పరస్పర సంబంధాలను స్థిరీకరించేందుకు సంభాషణ, సహకారంపై దృష్టి పెట్టినట్లు తాజా పరిణామాలు సూచిస్తున్నాయి.

అమెరికా, చైనా మధ్య పెరుగుతున్న పోటీ సైనిక ఘర్షణకు దారితీయకుండా జాగ్రత్త పడాలని చైనా అధ్యక్షుడు షీ జిన్పింగ్ అన్నారు. వాషింగ్టన్లో అమెరికా అధ్యక్షుడు డొనాల్డ్ ట్రంప్తో జరిగిన సమావేశంలో ఇరు దేశాల మధ్య సహకారం, నిరంతర సంభాషణ అవసరాన్ని ఆయన ప్రస్తావించారు. థుసిడిడీస్ ట్రాప్ను అధిగమించవచ్చని ఆయన అన్నారు.