తెలంగాణ ఎకంసం పంరెసం బీబీపేట మండలం ఘనంగా బీబీపేట నిమజంజనం: భకంతిశంరదంధత గణనాథుడికి వీడంకు

కామారెడ్డి తెలంగాణ ఎక్స్ ప్రెస్ బీబీపేట మండలంలో వినాయక నవరాత్రి ఉత్సవాలు భక్తిశ్రద్ధల మధ్య ముగిశాయి. తొమ్మిది రోజుల పాటు ప్రత్యేక పూజలు అందుకున్న గణనాథులను మంగళవారం నిమజ్జనం చేసేందుకు భక్తులు పెద్ద సంఖ్యలో తరలివెళ్ళారు.

తెలంగాణ ఎక్స్ ప్రెస్ బీబీపేట మండలం 22 సెప్టెంబర్ కామారెడ్డి జిల్లా మండలంలో వినాయక నవరాత్రి ఉత్సవాలు భక్తిశ్రద్ధల మధ్య ముగిశాయి. తొమ్మిది రోజుల పాటు ప్రత్యేక పూజలు అందుకున్న గణనాథులను మంగళవారం నిమజ్జనం చేసేందుకు భక్తులు పెద్ద సంఖ్యలో తరలివెళ్లారు. మండలంలో ప్రతి సంవత్సరం నవరాత్రులు పూర్తయిన అనంతరం వినాయకులను ఒకేసారి నిమజ్జనానికి తరలించడం ఆనవాయితీగా కొనసాగుతోంది. నిమజ్జనానికి ముందు మండపాల వద్ద ఉదయం ప్రత్యేక పూజలు నిర్వహించి, భక్తులకు అన్నదాన కార్యక్రమాలు చేపట్టారు. అనంతరం సాయంత్రం వినాయక విగ్రహాలను వాహనాలపై ఏర్పాటు చేసి గ్రామంలోని ప్రధాన వీధుల గుండా ఊరేగింపుగా నిమజ్జనానికి తరలించారు. భక్తులు జై గణపయ్య.. జై జై గణపయ్య అంటూ నినాదాలు చేస్తూ ఉత్సాహంగా పాల్గొన్నారు.

నిమజ్జన కార్యక్రమం సందర్భంగా తాజా మాజీ ఎంపీటీసీ భర్త కొరివి నర్సింలు మండలంలోని 50కిపైగా వినాయక మండపాలను సందర్శించి గణనాథులను దర్శించుకున్నారు. ఈ సందర్భంగా ఆయన మాట్లాడుతూ.. ప్రజలందరూ అష్టైశ్వర్యాలు, ఆయురారోగ్యాలతో నిండు నూరేళ్లు సుఖశాంతులతో జీవించాలని ఆకాంక్షించారు. గ్రామస్తులంతా సుఖసంతోషాలతో ఉండాలని, పాడిపంటలు సమృద్ధిగా పండాలని గణనాథుడిని ప్రార్థించినట్లు తెలిపారు. నవరాత్రి ఉత్సవాలను విజయవంతంగా నిర్వహించిన నిర్వాహకులు, భక్తులకు ఆయన అభినందనలు తెలిపారు. నిమజ్జన కార్యక్రమంలో గ్రామస్తులు, యువత, భక్తులు పెద్ద సంఖ్యలో పాల్గొన్నారు.